Riflessioni del 19/05/2006
Che tega sui denti, tosi!
Un marajon decide verso i quarant’ani de sposarse co na fémena calma, bona e passiente. Tre dì prima dela nosse el decide de métare al corente la sposeta dele so abitudini:
- Alora cara, scolta parben e assimila: al luni de sera mi vago al cinema coi amissi, al marti, senpre de sera, vago in biblioteca a inculturarme. Al mercore sera vago in ostaria par la partìa de scopa. Al zoba stago casa co ti, al vénare vago al teatro e al sabo e doménega me piase andare in discoteca... Sò stà ciaro? Ghe ze domande?
- No caro, - risponde la sposeta co un soriso - tuto ciaro. Nessuna dimanda. Mi, caro, te capisso benissimo anca parché go anca mi le me abitudini... Védito a mi me piase tronbare tute le sere... Eco, chi ghe ze ghe ze, chi no ghe ze no ghe ze...
|
|
|
