Walter Basso Fondatore de sta particolare casa editrice in diese ani el ga publicà sirca quarantasinque tra libri, calendari e agende. Cressuo ala scola de Durante al quale lo ga ligà na profonda amicissia e colaborassion el se definisse "l'alievo predileto de Dino"... Oltre al'umorismo anca lu ga scrito vari libri sula cultura veneta (do dissionari co Dino e varie altre opere). El ga anca scrito i dialoghi de un musical, tre spetacoli teatrali, testi par trasmission televisive e radiofoniche. Colabora co inumerevoli testate, anca nassionali. Ga colaborà anca col noto duo de cabaret veneto le Bronse Querte. Desso, oltre a èssare inpegnà a star vivo lavorando el manco possibile, lavora de scondon co Striscia la Notizia come informatore che, in vista, come attore-mona. Ze za vintisie in sie stagioni i servissi girà co Moreno Morello e messi in onda....
	Moreno Morello Inviato de "Striscia la notizia" subito ribatezà "il forbito" par la notevole proprietà de linguagio el ze deventà uno dei punti de forsa dela nota trasmission confessionando servissi in un stile novo e personalissimo che ga fato scola (vedi i inseguimenti ai trufadori cronometrà in diverse capitali europee)... Ogni volta po' che ghe serve un mona par dare colore veneto a qualche filmatin el ciama Walter Basso che cussì poe dire de aver fato el mona in canpo nassionale par ben oto volte in tre ani. A parte na bravura inata Moreno se evidensia nel variegato mondo dei personagi televisivi de sucesso par na classe unica, personalità fortissima, senso de amicissia, precision e onestà certosine. In più no'l se ga montà la testa... Penso che altro no serva dire!
	Dino Durante Unico e irepetibile umorista veneto, giornalista dal '51, autore de oltre sento libri tra cui svariati testi sula lingua veneta, tradission e cultura el ga lassà un segno indelebile in tuti queli che lo ga leto e conossuo. Inventore de un umorismo a volte assurdo, a volte feroce, a volte dissacrante, ma senpre sincero el saveva esprìmarse otimamente anca in forma poetica. Sior no solo de verve umoristica ma anca de gran sensibilità, umiltà e solidarietà, el ga caminà a fianco de Walter i ultimi oto ani regalàndoghe a pien man consili, amicissia e sorisi. La so sconparsa fisica nel 2002 ga lassà un gran vodo ma el so ricordo e el so esenpio de na vita intensa e vissua al'insegna del rispeto del prossimo (che fadiga, Dino, trovarghene n'altro come ti!) e dela natura lo fa sentire ancora vissin tuti queli che ghe ga vossuo ben... Par questo el resta qua co nialtri fin che sto sito esistarà. Par tuti i apassionà: no stè sercare i libri de Dino parché i ze tuti esaurìi!
	Marco Frison Ecletico disegnatore, caricaturista e tuto quelo che ghe va drio, da senpre colabora co Walter Basso e la Ed. Scantabauchi. Portatore sano de na scavejara ribele che ogni tanto la morosa ghe infiocheta co nastrini vari fasendolo somejare vagamente a un barbonsin sderenà el colabora anca co tante altre case editrici anca a livelo nassionale. Un servelo sensa filtri e drenagi ghe permete anca de scrìvare dele emeriti bojade che ogni tanto cata spassio de qua e de là in varie testate. Spreca co disinvoltura pene, matite, penareli e carta e dòpara co parsimonia solo na roba: el lavoro... Tuti in casa (e fora) se augura che presto el se marida in modo ch'el meta la testa a posto.
	Federica Basso Studentessa al DAMS, appassionata di arte, propone un particolare corso dal titolo "Buio in sala" dove in 4 o più lezioni (a seconda delle richieste), si propone di far conoscere più da vicino il mondo del cinema, spiegando in modo semplice ma tecnico la nascita di un film, dalla sceneggiatura alla presenza in sala. Molteplici gli argomenti che vanno appunto dalla sceneggiatura, inquadrature, luci, ruoli, fino alla psicanalisi. Durante i corsi vengono proiettate sequenze di alcuni film cult. Il corso è già stato testato con successo presso i Comuni di Limena (due anni) e Camposampiero (un anno).
	Dott. Angelo Boccato Laureato in psicologia del lavoro, autore e conduttore del programma radiofonico nazionale "Formazione in Fm" prodotto da Radio Italia Uno, autore e conduttore del programma satellitare "Formazione in Tv" su Free Channel (canale 855 Sky) e Carpe Diem (canale 932 Sky). La sua attività si svolge nei seguenti settori: orientamento scolastico, orientamento al lavoro per inoccupati e disoccupati, selezione del personale, consulenza individuale personalizzata e altro. Ora propone dei particolari (e utilissimi) corsi per un approccio positivo al mondo del lavoro: come si affronta un colloquio di lavoro, come si prepara un curriculum. Per informazioni vedere www.angeloboccato.it o scrivere a info@angeloboccato.it.
	Kicco & Mike Do sinpatici tosatoti un fiatin sul lilon che ama fare i mone dessora un palco. Abituà ai vilagi turistici i poe propore cabaret in diversi dialeti e in italian... Bravi, coreti, umili e soratuto tanto motivà i ga za portà in giro co sucesso un particolare spetacolo "Delirium Storicum" e po', insieme co Walter Basso, i ga riscrito "L'inferno" de un serto Dante... anca questo ze stà apressà e desso i ze drio strucarse i serveli par produre calcossa de novo... I se presta a qualsiasi ocasion sia co spetacolo intiero che gustosi tochetini adatà ala bisogna... Vardè el so sito www.kiccoemike.it
	Antonio Chiumiento Professore di matematica e economia aziendale, ufologo di fama internazionale è stato Vicepresidente del CUN e Presidente del CISU, i due più importanti centri di ricerca ufologica in Italia. Dopo trent'anni di indagini ha al suo attivo tre libri di successo l'ultimo dei quali con questa nostra casa editrice. Sono ormai senza numero i suoi interventi televisivi su reti sia come la RAI, Canale 5, Italia 1 e locali. Scrive su innumerevoli testate ed è Direttore Responsabile della Collana del fantastico "Oltre le nuvole".
	Paolo Zanarella Musicista de indiscussa bravura, maestro nel'inprovisassion da ani colabora co Andrea Bordin su rafinati spetacoli de reading. Autore de musiche e testi del musical "La strada del successo" el ga za scrito varie canson difuse anca a livelo nassionale. Otima forcheta pitosto de pagarghe na sena ze preferibile cronparghe un paltò co relativa pistagna!
	El Maestron Veramente un grosso personajo, ruspante al massimo che alterna vacade scrite co la pena co vacade dite co la boca. El ze stà uno dei primi colaboratori dela Scantabauchi, el ga scrito anca do libri e va in giro de baucon par el mondo a propore personagi dela profonda canpagna veneta. Ben riussìa la so interpretassion in varie ocasion del famoso bocia inventà da Dino "Gigeto el mona"... Se vede che par via de mona no se sa da dove cavàrghene e dove metàrghene!
	Andrea Bordin Atore teatrale dale grandi capacità. Da ani ormai el ze la vosse uficiale de Walter Basso e de diversi autori veneti nei vari spetacoli teatrale de reading e presentassion de libri. Passa co gran fassilità dal veneto al'italian dando stupende interpretassion de tantissimi autori da Ruzzante a Prevert. Docente de dission, recitassion, letura interpretativa el ga lavorà in diverse compagnie senpre racoliendo consensi... Atualmente el ze Diretore Artistico dela Compagnia del Libro Parlato a Campodarsego. Al so ativo el ga diversi passagi televisivi e radiofonici. Partecipa anca come docente al corso "Terapia del Soriso" co Walter Basso.
	Capriotti Ortensio dito Marco Presentatore otegnù da un incalmo tra el tenente Kogiac (quelo pelotà in testa) e Nino Frassica el unisse na ciàcola fenomenale a na potente carica de sinpatia. Da ani el presenta tuto quelo che se poe presentare: concorsi de miss par le selession de Miss Italia (nele so serate ze passà l'ex Miss Italia Eleonora Pedron, Chiara Sgarbossa de Lotto alle oto su Rai 1, e tante altre), sfilate de moda, serate de ogni tipo, cronache de corse bicicletistiche e via de longo. Disponibile par quasivolia manifestassion el ze anca uno dei punti de riferimento par la racolta publicitaria dela Scantabauchi. Semo drio védare se semo boni farghe dire la Messa dala Capela de San Piero in modo chel possa dire "Fasso tuto mi!".
	FRED (al secolo Federico Dalla Rosa) è allo stesso tempo autore, cabarettista e disegnatore. Lavora (o zuga, a seconda dei punti de vista!) con i tre scalmanati de Bepi e Maria Show (Valerio Mazzucato, Davide Boato e Davide Stefanato). Come disegnatore ha collaborato con il Gazzettino e il Corriere del Veneto. Con la Scantabauchi ha pubblicato il suo primo libro di vignette sul Veneto... Con Bepi e Maria Show sono molteplici le possibilità di serate di sano divertimento. Per contatti visitate il sito www.bepiemariashow.it oppure scrivete a info@edizioniscantabauchi.it
	Giusy Zenere Ruspante cabarettista de sucesso riva direttamente da Canale 5 e più precisamente dala nota trasmission "La sai l'ultima?" dove par ani la ga spopolà vinsendo de tuto. Da ani propone so particolari spetacoli dove un mix de satira, ironia, autoironia, barzelete, regala al publico presente sirca do ore de puro divertimento. La ga publicà un libro de sucesso co l'Ed. Scantabauchi (Baco, tabaco e Zenere) ormai esaurio. La so doti più bele ze la senplicità e la sinpatia.Disponibile per tuti i tipi de serate (de cabarè sia ciaro!!!). Par altri tipi de serate rivolgiarse a Platinete o Lapo!
	Fred, Davide Boato, Davide Stefanato e Valerio Mazzucato ze i quatro elementi che forma sto sinpatico e scaenà grupo de cabretisti. Na girandola de situassion, de personagi, de gags iresistibili rende i spetacoli de "Bepi e Maria Show" veri e propri spacati dela vita veneta. Indimenticabili le parodie de El Grande Fradeo, L'Isola dei Bauchi, Camerà Brulè e tanti altri.. Podì vedarli ogni mercore de sera ale 10,30 sirca su Telenordest...
	Roberto Menegatti Presente da 30 ani nel mondo del spetacolo Roberto Menegatti, propone co gran sucesso un so particolare spetacolo de magia comica e animassion adato a grandi e picoli... Grassie ala so professionalità el ga na gran presa sul publico e la so presensa ze sicura garansia de san divertimento... El ga girà mezo mondo e ga lavorà con artisti de fama nassionale come Gianni Morandi, Lino Toffolo, Mal, Heather Parisi e tanti altri... Ma se volì savere de pi andè visitare el sito www.robertoilclown.it. Disponibile par qualsiasi situassion.
	Quei del Pajaro Quei del Pajaro è un gruppo folcloristico di circa 25 che si propone di coltivare e mantenere vive le tradizioni venete, soprattutto padovane, con canti, balli e intermezzi umoristici. I componenti del gruppo indossano costumi ispirati alla tradizione contadina veneta. Il repertorio comprende canzoni molto conosciute, come "reginella campagnola", "me compare Giacometo", "Quelle stradelle","l'Uva fogarina" e canzoni tipiche padovane, molto amate, tra cui "ma quando torno a Padova", "a l'ombra dea specoa", "Padova vecia e nova", "el cafè Pedrocchi", "la Porta del Porteo".

MAILING LISTS - Iscriviti alle mailing lists di Edizioni Scantabauchi:    • Oltre le nuvole    • Scantabauchi